Akaruse akandi karakamize Birangiye Ubuhinde bwegukanye Stephen Costantine

Photo/Kigali today Stephen Costantine

Abanyarwanda bakera babivuze ukuri koko akaruse akandi karakamize Uwari umutoza wa ekipe y’umupira wa magru y’urwanda amavubi bwana Stephen Constantine  inkuru yabaye kimomo mubitangaza makuru bayahano mu Rwanda ko yarangije kwandikira ishyirahamwe ry’umupira w’amaguru mu Rwanda Ferwafa abasezeraho anabawirako  ko atakiri umutoza w’ikipe y’igihugu y' u Rwanda.

Mu rwandiko  yandikiwe ubuyobozi bw’ishyirahamwe ry’umupira wa maguru mu Rwanda Ferwafa, Constantine yatangaje ko uyu munsi tariki 15/1/2015 ari bwo yabonye akazi ko gutoza burundu igihugu cy’Ubuhinde, akazi bigoranye kukanga.

Uyu mutoza yatangiye yibutsa Ferwafa ko ibizi ko yari mu batoza bagombaga gutoranywamo umutoza w’ikipe y’igihugu cy’u Buhinde bityo ko kuri uyu wa kane ari bwo iki gihugu cyamuhaga amasezerano yari meza kuburyo atari kuyanga, ari yo mpamvu yahise asezera mu Rwanda.

Constantine yashimiye u Rwanda ku bihe yagiranye na rwo aho kuri we intsinzi babonye ari iz’abakinnyi. Uyu mwongereza wari utegerejwe mu Rwanda mu mpera z’icyumweru,yatangaje ko arwifuriza ibyiza imbere, ko wenda mu myaka iri imbere bashobora kuzongera gukorana gusa ko icyo yakwifuza kuri bo ari amahirwe masa mu mikino iri imbere.

Stephen Constantine ugiye gusimbura Wim Koevermans warangije kuva muri iyi kipe nyuma yo gusoza amasezerano, si ubwa mbere aza muri iki gihugu  yari yaratoje u Buhinde hagati y’imyaka ya 2002 na 2005 aho yashoboye kubazanira Nike yabahaga miliyoni 5 z’ama pound (5 000 000 000 Frw).

Constantine kandi yafashije Ubuhinde gutwara irushanwa ryabo rya mbere mu myaka 42, ubwo batsindaga Vietnam yari yababanje ibitego bibiri ku mukino wanyuma w’igikombe cya LG.

Email yandikiye ishyirahamwe ry’umupira wa maguru mu Rwanda FERWAFA:

Mbere na mbere reka mfate umwanya mbifurize umwaka mushya muhire, nizere ko 2015 izababera umwaka w’umusaruro kuri wowe n’umuryango wawe. Nkuko mwese mubizi nashyizwe k’urutonde rw’abazatoronywamo umutoza w’ikipe y’igihugu y’Ubuhinde, uyu munsi nkaba namaze guhabwa aka kazi byemewe n’amategeko. Ibyo bangeneraga byari byiza, nkaba ntari gushobora kubyirengagiza. Nkaba namaze kwemera imirimo bangeneye, mpita nsezera imirimo nari nsanganywe yo kuba umutoza mukuru w’ikipe y’u Rwanda, mbimenyesha na FERWAFA. Nk’abantu banzi neza, twakoranye umwaka ushize, ndashaka gufata uyu mwanya ngo mbashimire ku byo mwankoreye. Intsinzi twagezeho ni yacu twese n’abakinnyi, nkaba bimvuye ku ndiba z’umutima wanjye nishimiye ibyo twagezeho, no gukorana na mwe mwese. Nishimiye kuzakomeza nkorana na mwe mu bundi buryo, ntawumenya ejo icyo hateganyije, dushobora kuzongera guhura mu gihe kiri imbere. Mu gihe ntegereje igisubizo cyanyu, mbifurije ishya n’ihirwe mu mikino iri mbere. Stephen Constantine Rwanda National Team Head Coach UEFA Pro License Holder & FIFA Instructor www.stephenconstantine.com www.britishcoachesabroad.com Skype: stephenconstantine Twitter: stephenconstan

Source:Rwanda sport.com